Dita e parë e shkollës është shoqëruar me buqeta lulesh,buzëqeshje fëmijësh,emocione prindërish dhe mësuesish. Bashkëpunimi i Pushtetit Vendor dhe Pushtetit Qëndror ka bërë që entuziazmi dhe emocionet e nxënësve në 2 shkollat e rikonstruktuara të Bashkisë Divjakë të jetë pak më i madh se bashkëmoshatarët e shkollave të tjera. Me këtë rast zv.Kryeministri i Shqipërisë z.Erjon Braçe jo vetëm si përfaqësues i Pushtetit Qëndror por edhe si njeriu që ka mbështetur fort këtë komunitet në problemet,shqetësimet e çdo individi apo kategorie së bashku me Kryetarin e Bashkisë z.Fredi Kokoneshi dhe Drejtorin e Zyrës Arsimore Divjakë z.Llazar Stasa kanë vizituar 2 shkollat e rikonstruktuara.
Viti i ri shkollor gjen Bashkinë Divjakë me 2 shkolla të tjera të rikonstruktuara totalisht dhe me standarte bashkëkohore. Janë drejt përfundimit të gjitha punimet e rikonstruksionit dhe falë mbështetjes së Qeverisë Shqiptare fëmijët e komunitetit në fshatit Kryekuq në Njësinë Administrative Remas dhe Shënepremte në Njësinë Tërbuf si shumë bashkëmoshatrët e tyre në të gjithë bashkinë do të arsimohen me dinjitet dhe me të gjitha kushtet e duhura.
Zotimi i kryetarit të Bashkisë Divjakë Z. Fredi Kokoneshi për urbanizimin e të gjithë fshatrave të bashkisë konkretizohet cdo ditë me investime të vazhdueshme. Vazhdon asfaltimi i fshatrave dhe konkretisht këto ditë është asfaltuar në Gur, Njësia Administartive Remas si dhe Çermë e Sipërme Njësia Administrative Tërbuf. Do të vazhdojë puna në ditët në vazhdim edhe me fshatrat e tjerë të bashkisë.
