Takim kundër dhunës në familje.

BASHKIA DIVJAKË MBLEDH SË BASHKU KUNDËR DHUNËS NË FAMILJE 14 INSTITUCIONE SHTETËRORE DHE 1 ORGANIZATË TË SHOQËRISË CIVILE! Bashkia Divjakë organizoi mbledhjen e parë të Komitetit Drejtues të Mekanizmit të Koordinuar të Referimit (MKR) të rasteve të dhunës në familje, në përputhje me detyrimin ligjor pë ngritjen e këtij mekanizmi. 14 institucione shtetërore dhe 1 OJF u mblodhën së bashku dhe nënshkruan, për herë të parë, Marëveshjen e Bashkëpunimit për formalizimin e këtij Mekanizmi, si një nevojë për trajtimin me efektivitet dhe përgjegjshmëri të të gjitha rasteve të dhunës në familje. Nënshkrimi i marrëveshjes së bashkëpunimit është pjesë e aktiviteteve të planifikuara nga Bashkia në kuadër të fushatës së 16 Ditëve të Aktivizimit kundër dhunës me bazë gjinore dhe dhunës në familje. Mbledhja e Komitetit Drejtues u organizua në kujdesin e Kryetarit të Bashkisë Divjakë, z. Fredi Kokoneshi dhe u mbështet nga UNDP Shqipëri, në kuadër të Programit të Përbashkët të Kombeve të Bashkuara, “Për t’i dhënë fund dhunës ndaj grave dhe vajzave”, financuar nga Qeveria e Suedisë dhe që po zbatohet nga UNDP, UN Women dhe UNFPA, në bashkëpunim me Qeverinë e Shqipërisë.

Qytetarët e Bashkisë Divjakë solidarizohen për të prekurit nga tërmeti.

Qytetarët e Bashkisë Divjakë u solidarizuan në maksimum me motrat dhe vëllezërit e prekuar nga fatkeqësia e shkaktuar nga tërmeti.

Kontributi ishte i formave te ndryshme: ushqime, veshmbathje, mbulesa dhe batanije si dhe kontribut monetar. Mbresëlënës ishte reagimi i menjëhershëm i qytetarëve dhe në fakt u mblodhën shumë ndihma dhe u kontribua financiarisht. Kjo tregon vlerat tona njerëzore dhe na gjen të bashkuar për të ndarë dhimbjen dhe për ti dhënë kurajo motrave dhe vëllezërve tanë. Natyrisht nuk ka mbaruar cdo gjë, ka akoma nevojë për solidaritet. Tani është momenti i rindërtimit, rindërtimit të vendit, rindërtimit të shpresës dhe të ardhmes së atyre që u prekën nga fatkeqsia. Duhet të vazhdojmë të kontribuojmë akoma në faqen e vënë në dispozicion nga Qeveria Shqiptare

https://e-albania.al/dhuro/

 

Të bashkohemi me vëllezërit dhe motrat e prekur nga tërmeti.

Në këto momente të vështira për vendin tonë kur të gjithë fqinjët,aleatët janë solidarizuar, na kanë ofruar ndihmën e tyre jo vetëm me paisje dhe forca specjale por edhe ndihma ekonomike, të bëhemi të gjithë bashkë,të ndihmojmë motrat dhe vëllezërit tanë në cdo mënyrë të mundshme, me donacione në numrat e llogarive që janë vënë në dispozicion, me ushqime, veshmbathje. Sot më shumë se kurrë të tregojmë se jemi të gjithë bashkë, të ndajmë dhimbjen me motrat dhe vëllezërit tanë, të ndihmojmë sat ë mundemi.