Vazhdon puna në ndërtimin e hidrovorit të ri në Divjakë.

Vazhdon puna në ndërtimin e hidrovorit të ri në Divjakë.
Tashmë hidrovorit egzistues tejet të amortizuar prej kohësh dhe me teknologji të vjetër e të pamjaftueshme për të realizuar kullimin e tokave në perëndim të qytetit po i bashkangjitet një vepër e re me teknologji bashkohore.
Hidrovori i ri me pompa të fuqishme dhe teknologji të modernizuar do të mundësoje kullimin e ujit dhe si rrjedhojë rehabilitimin dhe përmirësimin e rreth 600 deri në 900 ha toka në pjesën perëndimore.
Ky investim i rëndësishëm i Qeverisë Shqiptare do të bëjë të mundur shfrytëzimin e gjithë kësaj sipërfaqeje e cila deri dje nuk ka arritur të kullojë.

Urbanizimi i fshatrave

Vazhdon puna në urbanizimin e fshatrave dhe aktualisht po punohet në Njësinë Administrative Gradishtë ku po pregatiten për asfaltim:
Në Mërtish rruga në lagjen e Naçallarëve si dhe në Këmishtaj rruga e Furrit të bukës, pjesë e unazës bujqësore ku është bërë rehabilitimi me çakull ,kanalizimet dhe mbulimi i kanalit me tubacione.

Zhvillohet mbledhja e dytë e Komitetit Drejtues të Mekanizmit të Koordinuar të Referimit të rasteve të dhunës në familje.

Në ambjentet e Qëndrës së Kulturës Divjakë u zhvillua mbledhja e

dytë e Komitetit Drejtues të Mekanizmit të Koordinuar të Referimit të rasteve të dhunës në familje.

Në këtë mbledhje u analizua mënyra se si ka funksionuar MKR në Bashkinë Divjakë që prej krijimit të tij, cilat kanë qenë arritjet por edhe vështirësitë e ndeshura.

U diskutua dhe u trajtuan çështjet e ndryshme të lidhura me këtë mekanizëm në kuadër të përmirësimit të punës dhe të mënyrës së funksioniomit të MKR Divjakë në të ardhmen si dhe orientimit të punës së bashkisë për përgatitjen e projektit për fazën e dytë të ndërhyrjes edhe për një periudhë kohore një vjeçare, me mbështetjen e UNDP.

Gjithashtu u miratua dhe protokolli i menaxhimit të rasteve të dhunës në familje.

Ky aktivitet mbeshtet nga UNDP Shqipëri në partneritet të ngushtë me Minsitrinë e Shëndetësisë dhe Mbrojtjes Sociale në kuadër të Programit të Përbashkët të Kombeve të Bashkuara “T’i Japim fund Dhunës Ndaj Grave në Shqiperi” me fonde të Qeverisë Suedeze.