Plani Lokal i Manaxhimit të Integruar të Mbetjeve për Bashkinë Divjakë u përgatit nga administrata e Bashkisë Divjakë me mbështetjen teknike të Co-PLAN, Instituti për Zhvillimin e Habitatit dhe MetroPOLIS Shpk, në kuadër të projektit të nisur dhe financuar nga Swiss Agency for Development and Cooperation SDC, implementuar nga Helvetas Albania dhe mbështetur nga programi Bashki të Forta.
Bashkia Divjakë konsideron të rëndësishëm planifikimin strategjik për shërbimet e kujdesit shoqëror në përputhje me detyrimet që rrjedhin nga legjislacioni kombëtar, por edhe për shkak të situatës së grupeve në nevojë në territorin e saj. E mbështetur nga programi “Leave No One Behind” i Kombeve të Bashkuara struktura përgjegjëse e shërbimeve të kujdesit shoqëror në këtë Bashki nisi në Tetor 2019 procesin e hartimit të Planit Social Vendor. Hartimit të këtij Plani i parapriu Raporti i Vlerësimit të Nevojave për Shërbime të Kujdesit Shoqëror për Bashkinë Divjakë, i cili identifikoi grupet në nevojë për shërbime të kujdesit shoqëror në territorin e Bashkisë, madhësinë e këtyre grupeve, shtrirjen e tyre në territor, shërbimet egzistuese që adresojnë nevojat e tyre, si dhe kapacitetet e burimet njerëzore e financiare të Bashkisë për ngritjen dhe funksionimin e sistemit të shërbimeve të kujdesit shoqëror.
Grupi lokal i Bashkisë Divjakë i përbërë nga stafi i Sektorit të Mirëqenies Sociale dhe Përkujdesjes Shoqërore, administratorët shoqëror në njësitë administrative, të mbështetur nga konsulenti kombëtar i kontraktuar nga UNDP në periudhën tetor 2019- janar 2020 ndërmorrën disa procese :
• analizuan legjislacionin kombëtar për të identifikuar standartin udhërrëfyes në fushën e shërbimeve të kujdesit shoqëror.
• identifikuan dhe mblodhën një numër të dhënash satistikore dhe jo satistikore nga institucione kombëtare dhe lokale, si: Drejtoria e Përgjithshme e Gjendjes Civile, Administratorët shoqëror, Sektori i Mirëqënies Sociale dhe Përkujdesjes Shoqërore, Rregjistri Elektronik Kombëtar i Ndihmës Ekonomike, Zyra e Punës, Strukturat Arsimore dhe Shëndetësore dhe Policia.
• zhvilluan 13 intervista gjysëm të strukturuara me individë që përfaqësonin karakteristikat kyç të këtyre grupeve, me qëllim identifikimin se sa dhe si përmbushen aktualisht nevojat e tyre nga shërbimet e kujdesit shoqëror, si dhe identifikuar nevojave e tyre për shërbime në vijim.
• hartuan Raportin e Vlerësimit të Nevojave për Shërbime të Kujdesit Shoqëror. Raporti dhe gjetjet e tij fillestare u konsultuan në një tryezë me pjesëmarrjen e përfaqësuesve të Prefekturës Fier, Drejtorisë Rajonale të SHSSH Fier, Këshillit Bashkiak Divjakë, Policisë, Zyrës Arsimore, Qendrave Shëndetësore, Zyrës Vendore Arsimore, Shërbimi i Provës, Qendra “Epoka e Re”, Shoqata “Gruaja, fëmija dhe familja”, Sektorit të Mirëqenies Sociale dhe Përkujdesit Shoqëror, administratorëve shoqëror të njësive administrative Remas, Gradisht, Grabjan, Tërbuf. Tryeza mundësoi saktësimin e të dhënave e gjetjeve të Raportit, si dhe identifikoi prioritetet për ngritjen e sistemit të shërbimeve të kujdesit shoqëror në Bashkinë Divjakë.
• në përputhje me prioritet e vlerësuara për shërbime të kujdesit shoqëror hartuan Planin Social të Bashkisë Divjakë 2020-2022 dhe e konsultuan atë me përfaqësues të institucioneve publike e jo publike në nivelin e Bashkisë dhe qarkut Fier.
Plani Social synon ngritjen e sistemit komunitar të shërbimeve të kujdesit shoqëror që adreson me efiçencë nevojat e individëve në nevojë për mbrojtje e përkujdesje në këtë Bashki. Për ta bërë të mundur këtë Plani përfshin ndërhyrje në katër shtylla kyç:
(1) ngritje e bazës së sistemit komunitar të shërbimeve të kujdesit shoqëror, pra të strukturave të Bashkisë Divjakë, pa të cilat nuk do të mund të planifikonim, ngrinim dhe të bënim sistemin funksional;
(2) ngritja e shportës bazë të shërbimeve të kujdesit shoqëror që adresojnë nevojat e individëve në nevojë në territorin e Bashkisë;
(3) identifikimi proaktiv i individëve në nevojë për shërbime për të mundësuar që çdo individ në nevojë për mbrojtje e përkujdesje të ketë akses tek shërbimet;
(4) konsolidim i vazhdueshëm i sistemit komunitar të shërbimeve përmes rishikimit
Zbatimi i Planit pritet të adresojë nevojat e të paktën 2,978 individëve, ose 5,4% të popullsisë, që kanë të nevojshëm të paktën një formë të shërbimeve të kujdesit shoqëror.
BASHKIA DIVJAKË MBLEDH SË BASHKU KUNDËR DHUNËS NË FAMILJE 14 INSTITUCIONE SHTETËRORE DHE 1 ORGANIZATË TË SHOQËRISË CIVILE! Bashkia Divjakë organizoi mbledhjen e parë të Komitetit Drejtues të Mekanizmit të Koordinuar të Referimit (MKR) të rasteve të dhunës në familje, në përputhje me detyrimin ligjor pë ngritjen e këtij mekanizmi. 14 institucione shtetërore dhe 1 OJF u mblodhën së bashku dhe nënshkruan, për herë të parë, Marëveshjen e Bashkëpunimit për formalizimin e këtij Mekanizmi, si një nevojë për trajtimin me efektivitet dhe përgjegjshmëri të të gjitha rasteve të dhunës në familje. Nënshkrimi i marrëveshjes së bashkëpunimit është pjesë e aktiviteteve të planifikuara nga Bashkia në kuadër të fushatës së 16 Ditëve të Aktivizimit kundër dhunës me bazë gjinore dhe dhunës në familje. Mbledhja e Komitetit Drejtues u organizua në kujdesin e Kryetarit të Bashkisë Divjakë, z. Fredi Kokoneshi dhe u mbështet nga UNDP Shqipëri, në kuadër të Programit të Përbashkët të Kombeve të Bashkuara, “Për t’i dhënë fund dhunës ndaj grave dhe vajzave”, financuar nga Qeveria e Suedisë dhe që po zbatohet nga UNDP, UN Women dhe UNFPA, në bashkëpunim me Qeverinë e Shqipërisë.
