Tashmë të gjitha shërbimet do jenë të përqëndruara në një godinë te vetme, moderne me infrastrukturë bashkohore. Ambjentet e mëparshme tejet të amortizuar, me lagështirë dhe të papërshtatshëm për të instaluar cdo lloj infrastrukture që do të mundësonte ofrimin e shërbimeve ndaj qytetarit do ti lënë vendin këtij projekti modern i cili ka filluar të zbatohet. Bashkia Divjakë do të ketë godinën e saj dinjitoze e moderne dhe do të vihet shumë shpejt në shërbim të qytetarëve.
Vazhdon zinxhiri i investimeve në Bashkinë Divjakë .
Në Fierseman Njësia Administrative Gradishtë është në përfundim shkolla e re.Fëmijët e komunitetit të kësaj zone do të arsimohen në një shkollë me të gjitha standartet bashkëkohore duke filluar nga sistemi kapotë,sistemi i ngrohjes, ambjente sportive multifunksionale etj. Ky investim i rëndësishëm do të shërbejë edhe si një qëndër komunitare duke vënë në dispozicion të qytetarëve ambientet e brendshme e të jashtme të shkollës si dhe strukturat sportive në funksion të argëtimit ,kohës së lirë si dhe aktiviteteve të ndryshme kulturore dhe sportive.
